ماما بتيجي وانت مش موجود
.
أيهاب معلش يا حماتي سيبهم معايا ولو احتجت انزلهم عندك هبقي أنزلهم .
أم سحر طيب يا حبيبي زي ما تحب .
يجلس إيهاب علي السرير وبجواره اولاده يوسف وسيف يحاول إيهاب ان يتصنع الابتسامة لأطفاله ويقول لهم أنتوا من النهاردة بقي يا رجالة هتناموا في حضڼي علطول .
يوسف هي مامت فين يا بابا
إيهاب ماما سافرت يا حبيبي .
إيهاب يبكي حاضر يا حبيبي هنروحلها كلنا .
يوسف بابا جدو كان بيقول ان ماما راحت عند ربنا .
إيهاب يبكي أيوه يا حبيبي .
يوسف هوه اللي بيروح عند ربنا بيرجع تاني .
إيهاب يمسح دموعه أحنا عايزين ننام بقي شوية وبكره نتكلم كتير .
ثم يطفي النور و يغطي اولاده ويأخذهم بين احضانه وينام .
بعد عدة أيام
يوسف وسيف معا صح يا بابا
إيهاب أنتوا ايه
يوسف وسيف معا رجاااالة
إيهاب طيب يا رجالة هتقعدوا تلعبوا مع بعض بس اهم حاجة مش عاوز شقاوة ومفيش حد يفتح باب الشقة لحد او ينزل الشارع فاهمين
فاهمين يا بابا .
ايهاب و محدش يلعب في الكهربا او البوتاجاز ماشي يا حبايبي
يوسف وسيف معا حاضر يا بابا .
إيهاب شاطرين عندكو سندوتشات
علشان تاكلوها كلها ولما ارجع لو شوفتكو سمعتوا الكلام من غير شقاوة كل واحد فيكو هياخد شيكولاته
سيف انا عاوز شيكولاته دلوقتي يا بابا .
إيهاب لأ لما ارجع والاقيك سمعت الكلام ومش اتشاقيت يا سيف هجيبلك الشيكولاته .
إيهاب والتليفون معاكو هتصل اطمن عليكو كل ساعة .
يجلس إيهاب في العمل وامامه بعض الأوراق ولكنه يبدو شارد الذهن يفكر في فقدانه لحبيبة عمره وزوجته سحر ويتم اطفاله الصغار وقلقه عليهم في المنزل وحدهم .
يلاحظ ذلك زميله مروان فيسأله مالك يا هوبا كل شوية تتصل بالتليفون واشوفك سرحان وبتفكر قولي بتفكر في ايه أحنا اخوات .
مروان وليه مش سبتهم عند حد من قرايبك او قرايب مامتهم الله يرحمها
إيهاب لأ يا مروان مش عايز عيالي يتربوا ويشوفوا الشفقة في عيون كل اللي حواليهم عايزهم يطلعوا اقويا و يعتمدوا علي نفسهم .
مروان وليه بتقول كده ده حتي علي ما اعتقد بيت حماتك جنب بيتك علطول !!
مروان لكن وجود طفلين لوحدهم في البيت في السن ده خطړ جدا عليهم !!
إيهاب في الأول بس انما لما يتعودوا هيكون شئ عادي .
مروان
معلش فيه
سؤال عارف
أنه مش وقته لكن
عندي فضول اعرف انت مش ناوي تتجوز تاني
إيهاب أنا اتجوز بعد سحر ده مستحيل !! انت متعرفش يا مروان سحر كانت ايه بالنسبالي دي كانت مراتي و أم ولادي وقبل ده كله حب عمري ومفيش في يوم زعلتني مستحيل افكر اتجوز بعدها .
ثم يرن هاتف إيهاب فيجد المتصل سيف ابنه !!!
يرد عليه ايوه يا سيوفه يا حبيبي فيه ايه
نسمع صوت سيف عبر سماعة الهاتف بابا عايز انزل اشتري حاجة من تحت .
إيهاب لأ مش احنا اتفقنا الصبح ان مفيش نزول الشارع خليكو قاعدين ولما ارجع هجيبلكو كل
اللي انتو عايزينه واخدكو ونخرج نتفسح كمان .
سيف حاضر يا بابا .
في اخر اليوم يعود ايهاب الي منزله .
يدخل إيهاب من باب الشقة فيجد يوسف وسيف جالسين يلعبوا سويا .
إيهاب حبايب بابا وحشتوني اوي .
يجري يوسف وسيف عليه ويحتضنهما .
إيهاب انا جيبتلكو الشيكولاته اهي بس استنوا لما نتغدا الأول انا هدخل اغير هدومي وادخل المطبخ اجهز اكل سريع .
يوسف احنا أكلنا من شوية يا بابا .
إيهاب أكلتوا السندوتشات صح
يوسف لأ اكلنا مكرونة وفراخ .
إيهاب بتعجب مكرونة وفراخ !!! وجات منين المكرونة والفراخ
سيف ماما هيه اللي طلعتها من التلاجة و عملتها وقعدت اكلتنا ولعبت معانا ومشيت سألتها رايحه فين قالت انا معاكم اهو ماتزعلوش وقت ماهتعزوني تلاقونى أمامكم ومعاكم المهم كملوا حياتكم انتوا وماتزعلزوش
ايهاب ماما ايه يا حبيبي احنا مش اتفقنا ان ماما طلعت عند ربنا اكيد تلاقي جارتنا ولا حاجه
واخدهم فى حضنه ودمعت عيناه حزنا عليهم
ولكنه لم ينسى كلامهم الذي ظل يرن بأذنيه وبدأ ېخاف عليهم وتكرر الامر ليجد اشياء معموله فى وكلما سأل أولاده يقوله ماما اللى عملتها
اتجه لجارته وخبط على الباب وسالها بعد ان فتحت الباب هو انتى اللى بتعملى اكل للأولاد
فاستغربت الجاره وقالت لا انا معملتش حاجه
ليه فى حاجه
فقال إيهاب لأ مافيش ونزل لعمله ولكن عاد فى وقت مبكر هذه المره ليفتح الباب ليجد أمامه زوجته
فاغمى عليه
وافاق وامامه زوجته فقال انتى انس ولا عفريته
فضحكت وقالت انا انسانه انا الأخت التؤم لزوجتك اللى متجوزه بره وكان فى وعد بينى وبين اختى ان لو حد فينا اتوفى قبل التانى يراعي اولاده من وقت للتانى ويحسسهم ان امهم موجوده بس كانت بتصدف ديما انى بمشي قبل ما انت تيجى. انتهت
