انا مش عايزه اخلف
المحتويات
فاستأذنت من الشغل وجيت ادور عليكي احكي لي حصل ايه
أروى بدموع الموبايل اتكسر و خدت منه الشريحة بس بس معرفتش اعمل ايه وانا مش حافظة رقمك فمعرفتش اكلمك وشنطتي اتسرقت برا المحطة ولما معرفتش اروح اروح فين دخلت جوا تاني انا كنت خاېفة اوي
_ اهدي يا حبيبتي خلاص اناجيت حصل خير يلا نروح للفيلا البشمهندسة بنت الحجة وفقت عليكي
_ بجد يا نور عيني
بعد فترة
كانوا وصلوا قدام الفيلا وأروى بصت لها بإنبهار
_ بسم الله ما شاء الله جميلة جدا
_ نفس اللي قولته اول ما شوفتها هههه يلا ندخل
بصت لها أروى بإبتسامة وكملت مشي معاها بهدوء لحد ما دخلت جوا الفيلا
_ مساء الخير يا تيتا عاملة ايه دلوقتي
سعاد بتعجب وعجرفة تيتا مين انا سعاد هانم يا شوية اغبية وكمان انتي مين يا بت انتي وهي وايه اللي دخلكم هنا ازاي الحرس يدخلوا الأشكال دي ده انا هرفدهم كلهم
أروى بهمس هي مش عايزاني ولا ايه
مريم بهمس لا مش كده بس تيتا عندها زهايمر وبتنسي كتير بس هي طيبة اوي والله وبكرا تحبيها
_ مريم جيتي وحشتيني يا بت
_ وانتي كمان يا تيتا اتغديتي
_ لا لسه انا جعانة اوي هي ياسمين لسه مجتش من الشغل
_ لا البشمهندسة لسه مجتش
_ مين القمر دي يا مريومة عسل اوي هجوزها الواد عمرو
أروى پصدمة وهمس هي بتقول ايه ومين عمرو ده
سعاد بمقاطعة حرامية بتعملوووا ايه هنا اععععع الحقوووني حرامية
مريم بصت لها بضحكة وشدت الكرسي المتحرك ناحية اوضتها وقعدتها علي السرير وراحت عشان تحضر لها الأكل
_ ههههه فعلا الزهايمر مش سايبها في حالها الله يكون في عونها
_ يارب
_ مقولتيش
_ مريم انتي فين ايه اللي جابني هنا
أروى بحزن هي حالتها كده دايما
مريم بتعجل اه للأسف انا هروح اغديها بسرعة وجاية لك اوضتك اللي هناك دي علي اليمين
مريم خلصت كلامها وسابتها ومشيت
بصت أروى للمكان حواليها بإنبهار اللي كان عبارة عن أوضة متوسطة الحجم فيها سرير حجمه كويس ودولاب صغير وحمام
أروى رمت نفسها علي السرير وفضلت تبص للسقف بفرحة
لحظات كانت نامت مكانها وبعد 5 ساعات صحيت علي صوت زعيق عالي
_ انتي مش بتفهمي يا ياسمين دي فلوسي وانا حر فيها وانا اللي تعبت فيها كل السنين دي مش انتي
_ انااا مليش فييه فلوسي واعمل فيها اللي انا عايزه مين اداكي الحق انك توقفي بطاقة البنك بتاعتي هو انتي متخلفة
ياسمين بحدة اتكلم عدل يا عمرو انا اختك الكبيرة مش صاحبتك انا
_ اختي ولا مش اختي مليش فيه مين وقت ما انتي عملتي اللي في دماغك وانتي مۏتي بالنسبة لي
ياسمين بحزن يا عمرو انا اتاسفت لك كتير وقولتلك مش قصدي كنت بحسبها كويسة بس طلعت بتمثل
عمرو پغضب اسفك ده هيفيد بأيه هيرجع لي حبيبتي اللي خلاص اتجوزت ونسيتني عشان سبتها هاااا انطقي ولا اتخرستي دلوقتي
أروى پخوف وهي جسمها كله بيرتعش من صوتهم اللي كان عالي بطريقة أوفر وهي پتخاف من الأصوات العالية
الجزء السادس بقلم شروق حسام
_ انتم بتتخانقوا ليه صوتكم عالي وانا انا خاېفة
عمرو بحدة وانتي مالك ايه اللي حشرك وكمان انتي مين اول مرة اشوفك هنا لتكوني الخدامة الجديدة ما هو ده اللي ناقص
ياسمين پغضب عمرو احترم نفسك
كملت بحنان وهي بتقرب منها بتحاول تهديها بعد ما شافت خۏفها أنتي اروي مش كده
أروى بصت لها بدموع هزت لها رأسها بنعم
_ اهلا يا حبيبتي سيبك من عمرو هو طيب بس بيعك في الكلام مش كده يا عمرو
ياسمين بصت له بتحذير
عمرو بخبث وفيه أفكار شيطانية جات له فجأة ومسيطرة علي تفكيره اه طبعا مقصدش المكان مكانك حقك عليا يا أروى
أروى بإبتسامة مرتجفة وهي بتمسح دموعها مش مشكلة انا بس مش بحب الصوت العالي وبخاف منه
عمرو بإبتسامة لعوبة خلاص يبقي من النهاردة مش هعلي صوتي تمام
_ تمام
ياسمين فضلت مراقبة اللي بيحصل وهي شايفة اخوها اللي اسلوبه اتغير فجأة وحاسة انه ناوي علي حاجة كبيرة بس حاولت تطمن نفسها ان اخوها طيب ومستحيل يعمل حاجة ټأذي حد
عدي فترة حوالي 5 شهور
وعمرو بقي دايما قاعد في الفيلا ومبقاش زي الأول يقعد كام دقيقة ويكمل سهر برا وبدأ يقرب من أروى ويتكلم معاها كتير وبيجبلها هدايا وهي مش فاهمة هو عايز منها ايه وليه بيعمل كل ده أخر ما زهقت راحت عنده
_ أستاذ عمرو
_ نعم يا أروى حصل حاجة
أروى بخجل من اللي هتقوله هو حضرتك ليه بتتكلم معايا كتير انت متعرفنيش كويس ورغم كده بتتكلم معايا كل يوم حرفيا فحضرتك بتعمل كده ليه
عمرو بخبث لانه وأخيرا جيه الوقت المناسب
_ من غير لف ودوران انا بحبك يا أروى وحبيتك من أول مرة شوفتك فيها وكنت بكلمك كتير عشان انتي شدتيني ليكي وكنت عايز اقرب منك اكتر واعرف كل حاجة عنك
أروى پصدمة أروى مين أنا انت شكل حضرتك بتهزر
_ لا مش بهزر بتكلم بجد وعايز نتجوز الشهر ده انا بحبك ومش هقدر ابعد عنك اكتر من كده عايزك مراتي في اسرع وقت
_ أنا آسفه مش موافقة ومش عايزة اتجوز انت متعرفش حاجة عن حياتي ولا عني ولا علي اللي حصلي واللي بيحصلي وبعانيه
عمرو بحب مزيف اشششش متكمليش مش مهم اي حاجة ومش مهم الماضي اهم حاجة الحاضر والمستقبل الماضي خلاص عدي وراح ومش هيرجع
كمل وهو بيركع علي ركبته وبيطلع من جيبه علبة فيها خاتم سيلفر
_ كنت عايز اجيب لك حاجة أعلي من كده بس لما شوفت الخاتم ده افتكرتك وافتكرت بساطك اللي حبتها انتي اغلي واثمن من الخاتم ده وكنوز الدنيا متجيش حاجة جنبك انتي اغلي منهم ودلوقتي يا أروتي تقبلي تتجوزيني
_ لو سمحت افهمني في حاجات
كتير انت متعرفهاش وحتي لو وافقت لازم تعرف عني كل حاجة
_ قولتلك مش مهم مش عايز اسمع حاجة غير موافقتك موافقة
أروى بتردد موافقة
عمرو لبسها الخاتم وقالها بتحذير خلي ده مفاجأة يا أروى ماشي ياسمين وماما عايزين يفرحوا بيا فعايز اخليهالهم مفاجأة في يوم الفرح
أروى پخوف داخلي تمام مش هقول حاجة
بعد شهر
ياسمين پجنون وهي بتكسر كل حاجة حواليها يعني ااااايه اتجووووزت انت اټجننت ويوم ما تتجووز تتجوز واااحدة اقل منك
عمرو ببرود وهو قاعد علي الكنبة وبيحط رجل علي رجل ومن جواه مستمتع جدا بڠضبها عادي يا ياسو ما ساندي كانت من نفس مستوايا وكنتي رفضاها وبسببك اتجوزت واحد غيري
_ وأروى عوضتني عنها وعن كل حاجة
ياسمين پغضب وهي بتروح ناحيته وبتقومه من مكانه انت فاهم عملت ايه انت ڤضحتنا الاسم اللي بنحاول نبني فيه سنين هيتخرب بسبب غبائك لو كنت عايز تتجوز كنت قولت لي وكنت نقيت لك عروسة مناسبة مش الخدامة اللي كانت
متابعة القراءة
