اسكربت دقات مؤتلفه بقلم زهرة الربيع

بصتلو بزهول شديد وقالت بس انا يادوبك فراشه هنا مش مساعده ولا اي حاجه 
عصام لبس نظارتو وقال بلا مبالاه انا قررت وانتهى يلا ادخلي المكتب هاتيلي مفاتيح العربيه واالفون بتاعي علشان نمشي 
حنان قالت پغضب شديد انا مش جايه معاك اصلا وشغلانتك دي كلها مش عايزاها 
ولسه هتمشي قال بسرعه طب وبالنسبه لابوكي العيان عادي كده تخسريه شغلته اللي قاعد فيها 25
سنه من اول يوم شغل ليكي هيقدر يستحمل تروحي تقوليلو انه اترفد 
حنان بصت له بدموع وقالت ابويا دخلو ايه بكل ده هو هيخلص اجازته زي ما اتفقت معاه ويرجع شغلو 
عصام ابتسم بسخريه وقال انا هنا اللي اقرر ولو مقبلتيش تقعدي لحد ما ابوكي يجي هجيب غيره وينسى يرجع هنا تاني والكلام خلصان 
قال كده ومشي وهو بيبتسم بخبث وحنان وقفت بحيره وحزن شديد واتنهدت ودخلت المكتب جابت له حاجته ونزلت وراه 
بعد شويه كانوا سوا في العربيه وعصام بصلها بطرف عينه وقال انتي عندك كام سنه 
حنان قالت پغضب مكبوت وانت مال اهلك 
ضحك بخفه وقال دي مش اجابة سؤالي انتي عارفه ان انا ما حدش بيقدر يكلمني كده ابدا بس انتي حاله خاصه انا ليا نظره في الوحده الي المفرزض استحملها من الي اديها كارت احمر فوري يعني بتساهل مع الي تستاهل 
حنان بصت له پخنقه وقالت انا فاهماك كويس ومن اول ما دخلت عندك المكتب وانا فهماك والتفتتله وقالت ولا اي حاجه من اللي في دماغك دي ممكن تحصل تلمس نجوم السماء اقرب لك 
عصام ضحك جامد وقال انا اللي في دماغي بعمله ومحدش بيقدر يوقفني دي مش اول مره انا مش تلميذ انا بعرف اقدر كل واحده بالطريقه اللي تناسبها وتخليها تيجي برجليها 
حنان بصتلو پغضب وقالت بطل وسا خه بقى اوف 
عصام ضحك وقال بغمز هو فعلا اوف واووووف قوي كمان 
حنان بصتلو پغضب فقال قصدي على الجو الجو اااوف حر خالص 
حنان بصت الناحيه التانيه وحطت ايدها على دماغها وفضلت ساكته طول الطريق 
بعد شويه وصلوا الفيلا بتاعته عصام دخل وهي دخلت وراه بهدوء و قلق 
عصام قعد على الكنبه اول ما دخل واستغرب انها ما انبهرتش بالمكان ابدا وقال ايه الفيلا ما عجبتكيش ولا ايه 
حنان بصت للمكان بنظره سريعه وقالت مش بطاله 
ضحك جامد وقال مش بطاله اممم هي من بره كده تبان مش بطاله بس من جوه روعه تحبي افرجك عليها 
حنان بصت له پغضب وقالت هو احنا هنا ليه يا باشا انا بعمل ايه هنا اذا حضرتك معاك شغل هنا وانا لازم اكون معاك فيه ياريت تقولي عليه ولو عندك حاجه عايزه تنظفها حاجه عايزه ترتبها مع اني مش خدامه عشان اجي انظف لك البيت وارتبه بس مع ذلك قول الي انت عايزه علشان نخلص 
عصام وقف وقال اقول اللي انا عايزه 
حنان ارتبكت وقالت اتفضل قول 
عصام قرب اكتر وقال انتي عارفه والي تامري بيه انا جاهز 
حنان غمضت عينيها بضيق شديد وفتحتهم وقالت انا قولت ايه على الطريق 
عصام ابتسم وقال قولتي نجوم السماء اقرب بس انا مش عايز نجوم السما انا عايزك انتي 
حنان نفخت بغيظ وقالت تمام يعني حضرتك مش ناوي تحترم نفسك طيب انا همشي واعمل الي تعمله ورزقي ورزق ابويا على الله 
لسه هتمشي ابتسم وقال انتي عادي كده تزعلي ابوكي العيان اللي ممكن يروح فيها لما تخسريه شغله طب بالنسبه للبيت اللي انتوا قاعدين فيه انتي ناسيه اني انا اللي امنتهلكم
ورا الفيلا
ايه هتاخديه وتروحي تقعدي في الشارع 
حنان