حكاية ام

لا ياابو محمد مابقاش استحق يبقى اسمى ام محمد لو مكنتش احس بيك ياابو محمد

فيك ايه ياغالي

حياة قوليلي والنبي ياحياة انتى حبيبتى مش حتخبي عنى حاجه

الاشعات اللى عملتوها فيها حاجه صح

حياة لا لامفيهاش حاجه

علا بتكدبي علية والله العظيم بتكدبي علية

سعيد ماله ياحياة اوعى تقوليلي انه بعد الشړ عنه عنده حاجه وحشه

لا ده كله الا الغالي كله يهون قصاد ان ابو عيالى وحبيبى وعشرة عمرى يبقى بخير

بصوا انا مش حسامحك ياحياة لو كان سعيد فيه حاجه ومخبيين علية

حياة طب ممكن تهدى كده ياعلا وانا حفهمك بس الله يخليكى بالراحه ممكن

بصي ياعلا ابو علا عنده ورم صغير اوى فى المخ بس ان شاء الله حيكون حميد حيعمل عمليه ونشيله

وحيبقى زى الفل

علا ورم فى المخ سعيد عنده ورم فى المخ ياحبيبى ياقلب علا من جوة

الف سلامه عليك يا سيد الناس الف سلامه عليك ياغالي ياابو ولادى ياريت كنت انا وانت لاء

جلست فى الارض امامه وظلت تبكى وتقبل يده وخده وراسه

حتى انها جعلت حياة ټنهار من البكاء

حتخف حتخف ان شاء الله وحتبقى زى الفل ومحدش حيربي ولادك غيرك

حياة ان شاء الله ياحبيبتي ان شاء الله بس عشان خاطرى متعمليش في نفسك كده

وعاوزك تبقى قويه علا اللى عرفها اللى بمية راجل

ولو حصللى حاجه

فتضع علا يدها على فمه

لا لاابوس ايدك اوعى تقول حاجه

دى الدنيا كلها فدا ضوفرك ياحبيبي

علا وهى تمسح دموعها طب حنعمل العمليه فين

حياة الدكتور عطانى رقم تليفون دكتور مشهور اوى هنا فى اسكندريه وبيقوللى انه شاطر

ابو علا وحياخد كام في العملية

علا ياخد اللى ياخده ده انا ابيع هدومى بس تفضل وسطنا مضلل علينا ياحبيبي

خياة متخافش ياابو علا حنتصرف بامر الله بس احنا نروح للدكتور انا اتصلت بالعياده وحجزت معاد والدكتور كلمه

ووصى علينا وان شاء الله حتقوم بالف سلامه

فى منزل داليا

امها داليا انتى لسه ملبستيش ياحبيبتى ياللا يابنتى الله يهديكى مش عاوزين مشاكل مع ابوكى

العريس زمانه على وصول هو واهله

داليا يعنى انتوا خلاص حكمتوا علية بالاعډام

امها اعدام ايه بعد الشړ ده انتى حتفرحى وتتجوزى وبكرة يبقى عندك ولاد يملوا عليكى حياتك كلها

داليا انا من بعد كريم قلبي عمره ماحيعرف معنى الفرح انا خلاص اتكتب علية الهم طول العمر

ابوها يدخل فيجدها لم ترتدى ملابسها

فيمسكها من ذراعها

انتى لسه ملبستيش والناس برة طب وعهد الله لو مخلصتى وخرجتى وفردتى بوز اهلك الفقر ده لكون طردك من البيت انتى وامك انا مش عاوز قرف

يرميها على السرير وتخرج

بعد قليل

ام العريس بسم الله ماشاء الله ايه الجمال ده كله

تعالى ياحبيبتى اقعدى جمبي بينما كان العريس يتفحصها بنظرة شھوانيه

العريس عمى انا عاوز نقرا الفاتحه

ابوها على بركة الله نقرا الفاتحه

ياالله لقد دعوناك واجبتنا عصيناك وسترتنا انعمت علينا بنعمك الكثيرة التى لاتعد ولاتحصى

كيف لنا وماذا نفعل لنشكرك على نعمك

يارب بحق قولك ورحمتى وسعت كل شئ الطف بنا وارحمنا ياالله ياارحم الراحمين يارب المستضعفين

ليس لنا

سواك الى من تكلنا فلترحمنا وتنزل علينانسمات لطفك ورحمتك يارب العالمين

كانت تدعو بهذه الكلمات وهى تبكى نعم تبكى وبشده ولما لاتبكى وهم من اعطوها الحياة

هم من تبنوها واصبحوا لها بمثابة الاب والام والاخ والاخت

قدموا لها الحب بلا انتظار مقابل

اغدقوا عليها بحبهم وحنانهم لم يبخلوا عليها بشئ

كانت تصلي وتبكى وهى ساجده يارب بحق قولك اذا اراد شيئا ان

يقول له كن فيكون

اشفيه يارب العالمين وقومه بالسلامه لبيته ومراته بحق وقفته جمبي وهو ميعرفنيش نيمونى فى فرشتهم وهما ميعرفوش عنى اى حاجه

ادونى الامان ومكذبونيش عملوا معايا اللى مبيعملهوش الاهل

يارب متوجعش قلب مراته وولاده عليه

كانت مڼهارة من البكاء يارب بحق

قولك واذا سالك عبادي عنى فإني قريب اجيب دعوة المضطر اذا دعان

وبحق قولك ادعوني استجب لكم

فلتستجب لى ياارحم الراحمين

ولتنزل رحمتك علينا

قامت من صلاتها وهى تمسح دموع عينيها

بعد العوده من شرم الشيخ

فى غرفة ملك وفارس

ملك طب ايه يعنى

فارس هو ايه اللى ايه يعنى

ملك يعنى كده الموضوع باظ

فارس وهو كان فى موضوع اصلا يابنتى

ملك الله مش كنا متفقين

فارس ياحبيبتى افهمى احنا قلنا ايه مش كنا عاوزين نديهم فرصه يتكلموا مع بعض

وانا اصلا مكنتش مقتنع بالموضوع من اساسه

بس انا قلت خلينى وراكى لمااشوف اخرتها ايه معاكى

بس اديكى شفتى اللى هى هببته

ودى زى ماتكون ماسورة واڼفجرت واللا كنا حارمينها من الكلام

ده الاوتيل كله كان سامعها لاء وهى ايه حبيبي وحضنى وبطتى وسيلين وتولين لا بس تصدقى فكرتنى بالبط انا حقول لماما تعمللى بط عالغدا وصينية رقاق بقى وايه حنعمل ا حلى شغل يابت ياملك بصي بقى حخليكى تصوتى

لاوكمان حقولها تخبيلي القنصه اصلي بحبها

ملك ههههههه ههههههه والله العظيم انت خلاص مخك ضړب

يابنى ركز معايا شويه

فارس وهو يعاكسها طب مانا عاوز اركز معاكى ياقلبي باللا بينا واحنا حنركز احلى تركيز

ملك يادى النيله عليك ماتتكلم جد بقى يافارس

انا لسه مصره على موضوع مؤمن

الواد طالع من عينى

فارس وهو يربط الكرافت انسي ياقلبي خلاص نور الله يكرمها طلعت متجوزه ومخلفه خلاص عاوزة ايه تانى

ملك ههههههه مانت عارف نور يافارس بتتكلم بتلقائيه

فارس ياللا عالعموم كده جبرت خلاص

ملك يعنى ايه انت تقصد ايه

فارس اقصد انه خلاص ياملك بح اتفضينا

ملك لا بقولك ايه بص بقى ركز معايا انت مش اخدت رقم تليفونه

فارس وبعدين

ملك حنعزموه على الغدا العشا ان شاالله حتى على السحور

فارس وايه المناسبه

ملك اتصرف ياقلبي هو انت يعنى حتغلب يافارس ده انت استاذ فى اختراع اى حجه

فارس فى دى معاكى حق

طيب سيبينى افكر وارد عليكى

ملك وهى تقبله حبيبي ياناس

فى منزل مؤمن

مؤمن تعرفى ياماما قابلت مين فى شرم

والدته مين ياحبيبى

مؤمن فارس التهامى فاكراه

والدته لا والله يابنى مش فكراه

مؤمن ياماما فاكرة عيد ميلاد مريم اللى عملناه وانا فى الجامعه هنا فى الفيلا

وواحده صاحبتها اتخانقت مع واحد وقالت انه بيعاكسها وضړبته بالقلم

وحصلت مشكله واخوها وهو ضربوا بعض والحفلة باظت

امه انت قصدك الواد الصايع ده اللى كان عمال يلف ورا البنات فى الحفله وختمت بصاحبة مريم

مؤمن بالظبط هو ده يافوءه

وفاء امه وانت ايه اللى لمك عليه يابنى هو انت بردو ليك علاقه بالاشكال اللى زى دى

مؤمن ههههههه ههههههه

والله العظيم انتى سكر وعسل يافوءة

الواد الصايع ده كان زمان ايام الجامعه لكن دلوقتى بقى راجل عنده شركه سياحيه ومتجوز واحده بنت ناس ومحترمه اوى

انا قعدت معاهم واتعشينا سوا تحسيهم ناس طيبين اوى

وواضح

جدا انهم بيحبوا بعض اوى

وفاء عقبالك ياحبيبي لما تلاقى بنت الحلال اللى تريح بالك وتعوضك عن مقصوفة الرقبه اللى كنت خاطبها

نفسي اوى يامؤمن افرح بيك واشوفك عريس ياحبيبى واشيل ولادك بين ايديا قبل مااموت

مؤمن بعد الشړ عنك يا ست الكل هو انا لية مين غيرك ياامى ياحبيبتى بعد ماالكل سابنا

امه انت ليه مش عاوز تنسى يامؤمن

مؤمن انسى ايه ياماما انسى ان ابويا سابنا وراح اتجوز عيلة اصغر منى واتخللى عنك فى اكتر وقت كنتى محتاجاه فيه

كنت بتموتى بين ايديا فى اليوم مية مره

وهو بدل مايقف جمبك لحد ماتخفى وتستردى صحتك جرى وراح اتجوز عشان يرجع شبابه

ده لما حتى كنت بفكر اسال عليه كان بيتهرب منى

طبعا اصله بيغير على مراته منى فاكرنى حبصلها واعاكسها ههههههه

واللا اخويا اللى من لحمى ودمى اللى كان كل همه يكوش على كل حاجه وخلاص

وخد اللى قدر عليه وهاجر وقال انه مش راجع تانى

حتى مريم هى كمان من يوم مااتجوزت وعاشت مع جوزها فى هولندا وهى بتستخسر فينا المكالمه

انا خلاص ياماما مبقاش لية حد فى الدنيا غيرك يا حبيبتى

انا تعبان اوى ياامى نفسي احس بجو العيله بدفء الاسرة

انتى عارفه ياماما وانا قاعد مع فارس حصلت حاجه غريبه اوى قلبت علية المواجع

امه حصل ايه يامؤمن

مؤمن اخته جالها اتصال من جوزها وابوها وامها كانت مكالمتها ليهم كلها حب وموده عارفه ياماما اول ماحست من صوت باباها انه تعبان اتحايلت على مؤمن يرجعها اسكندريه بسرعه عشان باباها وفارس قام بمنتهى الحب طبطب عليها وطمنها

عارفه ياماما تحسيهم اد ايه اسرة متحابه بينهم الفه وموده طول القعده فارس مهتم بيها ومراته دى محترمه اوى كانت مهتمه باخته اهتمام غير عادى برغم انها المفروض تكون مضايقه عشان وجود اخته بينهم الا انهم بالعكس تحسيهم اختين

برغم انى قعدت معاهم فترة صغيرة الا انى حسيت بده بس كنت بحاول ابين طول القعده انى مش واخد بالى منهم ولاحاولت اتدخل فى اى كلمه بيقولوها عشان ميضايقوش من وجودى

امه طب مش كنت تساله يمكن يكون عنده اخت مش متجوزه واللا حاجه

مؤمن مظنش ياماما انا فاكر من ايام الجامعه انه عنده اخت واخ بس واكيد تبقى اخته اللى كانت معاه دى

ودى متجوزة وعندها ولاد

امه وولادها كانوا قاعدين معاكم

مؤمن لا ياماما هى سالت مامتها عنهم فى التليفون وقالت انها زعلانه اوى عشان دى اول مرة يبعدوا عن حضنها

امه ياه ده انت كنت مركز فى الحوار بقى

مؤمن لا والله ياماما بس هى كان صوتها عالى اوى وهى بتتكلم متهيالى كل الناس كانوا سمعينها وهى بتتكلم فكلامها كان كله فى ودانى ههههههه

بس والله تحسيهم كده كلهم طيبين اوى تعرفى

ياماما انا كنت مبسوط اوى وانا قاعد معاهم

فى عيادة الدكتور مصطفى السعدى

تجلس حياة وابو علا ومعهم الاشعات والتحاليل

حياة طمنا يادكتور الله يخليك

ينظر لها مصطفى ويشعر وكأنه يعرفها ولكن كيف له ان يعرف انها ابنة حبيبته وليس بينهما تشابه فى الشكل ولا فى الصوت ولكن الروح واحده ولكنها ليست كافيه لاكتشاف امر كهذا

مصطفى انتوا قرايب

حياة اخويا يادكتور من فضلك الله يخليك طمنى عليه احنا ملناش غيره

مصطفى واضح انك راجل طيب وربنا بيحبك الحمد لله الورم صغير ولسه فى بداية تكوينه ومن رحمة ربنا انكم متاخرتوش وعملتوا الاشعه بسرعه

حياة دكتور لو سمحت طب بالنسبه لخبرة حضرتك متقدرش تطمنا اذا كان حميد واللا لا

مصطفى ان شاء الله حميد بس بردو حنتاكد اكتر لمانعمل العمليه ونحلل الورم

ابو علا والعمليه حتتكلف اد ايه يادكتور

مصطفى ينظر اليهم ويشعر بعاطفه تجاههم وانهم حقا لايملك ون المال الكافى

فيقول من

غير فلوس

حياة ازاى يعنى حضرتك احنا عارفين ان العمليه مكلفه بس ان شاء الله ربنا حيقدرنا وندفع حقها

مصطفى بصي يابنتى انا متعود كل فترة اعمل عملية من غير فلوس

ابو علا طب ليه

مصطفى دى حاجه بينى وبين ربنا اوالمرة دى يبقى انت اللى اعمله العمليه من غير فلوس

حياة بجد انا مش عارفه اقول لحضرتك ايه ولا اشكرك ازاى

مصطفى العمليه حتكون بكرة

ان شاء الله

ابوعلا بكرة كده علطول

مصطفى اى تاخير مش فى صالحنا صحيح الورم صغير بس ده ميمنعش انه بينمو بسرعه فمش عاوزين نستنى كده ممكن يبقى فى خطړ

حياة خلاص تمام يا دكتور اللى حضرتك تشوفه

فى قسم الشرطة

عزة والله يا باشا انا معرفش حاجه عن الحاجات دى

وكيل النيابة نعم ياروح امك ده انتى ممسوكه متلبسه بيهم وانتى بتوزيعهم

عزة لا انا معرفش حاجه انا عاوزة اكلم جوزى يجيبلي محامى

وكيل النيابة خدها ياعسكرى عالحبس

عزة حبس حبس ايه لا انا مش حتسجن انا عاوزة اكلم جوزى

داخل الحبس

تتقدم اليها احد المتهمات

الموزة ممسوكه فى ايه

عزة وانتى مالك بية ياولية انتى

السيده وهى تخرج موس من فمها فتخاف عزة لا انتي تتكلمى معايا بادب وتعرفى انتى بتكلمى مين بدل مااشرحك

عزة حاضر بس ابعدى عنى البتاع ده

انا عاوزة اكلم جوزى ممكن تساعدينى

السيده اوى اوى ياحبيبتي بس قبي بالمعلوم الاول

عزة اخدوا منى الشنطه قبل مايدخلونى هنا

السيده خلاص يبقى متطلبيش اللى معهوش ميلزموش

عزة لا والنبي ابوس ايدك ساعديني ولما جوزى ييجى حيدفعلك كل اللى اخدته منك وبزياده

السيده متأكده

عزة طبعا متأكده متعرفيش هو بيحبنى اد ايه

السيده تثدقى صعبتى علية بس هما خمس دقايق بس

عزة ماشي

فى شقة عزة

محسن وهو ېدخن السېجار ويشرب الخمر ويصفق بيديه لاحدى النساء

حبيبى ياجامد انت

المراة ههههههه دى اقل حاجه عندى وغلاوتك

يرن جرس تليفونه

اقفلي لما لما اشوف مين ابن المزعجه ده

الو

عزة الحقنى يامحسن انا اتمسكت بالبضاغه ومحپوسه

هاتلى محامى بسرعه وتعالى

محسن انتى بتتكلمى منين

عزة واحده هنا فى الحبس اديتنى التليفون

محسن طب اقفلي وانا جايلك يامزتى

عزة اوعى تتاخر عليةيامحسن

محسن اتاخر عليكى ده ايه مسافة السكه واكون عندك ياقلبي

المراة انتى حتسيبنى وتمشي يامحسن

محسن اسيبك ده ايه حد يبقى معاه الجمال ده كله ويسيبه ويمشي

المرأة انت مش قلتلها انك رايحلها

محسن اروح لمين يا حاجه فكك منها عزة خدت وقتها وراحت بالسلامه

وادينى استنفعت منها بقرشين حلوين وغرقتها فى الدلع يومين كفاية عليها اوى كده

تتصرف بقى مع نفسها

المرأة ايوة بس انا مش شايفه انك مستغرب من انها اتمسكت

محسن ههههههه اصلي انا اللى مبلغ عنها

المرأة مبلغ عنها ازاى ياراجل هى مش مراتك

محسن وايه يعنى اصلها بصراحه اتعرفت وكانت كده كده حتتكشف فقلت اخلص منها قبل ماتحيبلي الحكومه لحد هنا

وبعدين بقولك ايه هو احنا حنقعد نقضيها كلام عن عزة ونسيب المهمه الرسميه اللى احنا فيها

المراة ههههههه ودى تيجى بردو يامحسن بس انا خاېفه احسن البوليس يطب علينا

محسن اهلا وسهلا بيه

المرأه لا يااخويا انا خايقه احسن يكون فى مخډرات هنا واللا حاجه واروح معاك في داهيه

محسن انتى عبيطه مخډرات ايه اللى حخبيها هنا انا مخبي البضاعه فى مكان ولا الجن الازرق يعرفه

يهجم البوليس على الشقه وتفتح المراة الباب

تمام ياباشا تحت امر سعادتك

محسن هو فى ايه بالظبط

الضابط اللى كانت معاك دى مرشده يامحسن وكل اللى دار واتقال دلوقتى ومكالمتك مع عزة متسجله

محسن انا مش فاهم حاجه

الضابط حتفهم كل حاجه فى القسم يامحسن هاتوه

فى منزل داليا

داليا مش حتجوزه يعنى مش حتجوزه

ابوها وهو يمسكها من شعرها بقسۏة قولى تانى

كده سمعيني قلتى ايه

امها بالراحه عالبت حرام عليك دى بتك ياراجل بتعمل فيها كده ليه

ابوها مش شايفه بتعند معايا ازاى

بس والله ياداليا لحتتجوزيه ورجلك فوق رقبتك

داليا حموت نفسي والله لاموت نفسي

ينهال عليها ابوها بالضړب

عايزة تموتى نفسك عشان تفضحينا يابت ال.......

طب والله لحكون كاتب كتابك النهارده قبل بكرة

وعايزك تفتحي بؤك ده بكلمه وانا حولع فيكى بجاز واللا اجيب مية ڼار واكبها على وشك عشان محدش بعد كده يقولك ليلتك بيضه

حتى المسجون بتاعك مش حيرضى يبص فى وشك

امها حرام عليك فى جحد يعمل فى بته كده

ابوها اديكى قلتى بته يعنى انا ابوها