حكاية ام
يادكتور على مراتى
الدكتور اطمن حتبقى كويسه ان شاء الله وربنا يعوض عليكم
محمودالحمد لله على كل حال
تدخل الممرضات هنا الى داخل الغرفة فيساعدهم محمود فى وضعها على السرير
محمودالف حمدالله على سلامتك ياهنا
هناالله يسلمك
ابوهاحمد الله على السلامة يا حبيبة ابوكى
تقبلها امهاحمدالله على سلامتك يا عمري
هنا تبكى بشده ابنى راح منى ياماما
امهاحبيبتى المهم انتى بخير المهم سلامتك انتى وبكرة ان شاء الله ربنا يعوضكم
هنابس انا كنت اتعلقت بيه وكنت بحلم باليوم اللى يبجى الدنيا واخده فى حضنى
امهاده قدر ربنا يا حبيبتى مينفعش نعترض لازم نقول الحمد لله
ابوهاسبقك للجنه ياحبيبتى وان شاء الله ربنا حيعوضكم بامر الله
كان
محمود صامتا
لا يتحدث
بينما كانت هنا تبكى بشده على جنينها الذى فارق الحياة قبل ان ترى عيناه الشمس
امها عشان خاطر امك يا حبيبتى متعمليش فى نفسك كده
يقوم محمود ويجلس بجوارها وياخذها فى حصنه ويمسح دموع عينها
بس هشششش خلاص احنا مفيش فى ايدنا حاجه لازم نقول الحمد لله
يسحب ابوها امها من يديها ليخرجا خارج الحجرة
هناالحاجه الوحيده اللي كانت حلوة في حياتي ضاعت خلاص
محمود انا كده حزعل منك يعنى دى الحاجه الحلوة اللى كانت حلوه امال انا ايه
هنامحمود انت دلوقتى
تقدر تطلقنى
محمود وهو يخرجها من احضانهاطلقك اطلقك ازاى يعنى انتى اتجننتى بتقولى ايه
هناخلاص يا محمود اللى انت كنت عايش معايا عشانه ضاع يبقى ايه المبرر اللى يخليك تستمر معايا
محمود مبرر وهو فى بين الزوج والزوجه مبرر بيعيشوا مع بعض عشانه
هناالكلام ده لما يكونولكن احنا غير اى زوجبن
محمود ليه ياهنا بتقولى كده
هنا عشان انت مبتحبنيش يامحمود
محمودانا فعلا مبحبكيش ياهنا
هنااهئ اهئ اهئ
محمود وهو يمسح دموع عينيهاانا بحبك اوى ياهنا
هناايه بتقول ايه
محمودبقول بحبك اوى ومقدرش استغنى عنك ابدا
هنابس انت
محمودده كان فى الاول ياهنا لكن بعد ماانتى اتغيرتى وبقيتى تسمعى كلامى وحاولتى تقربي منى صدقينى والله العظيم حبيتك والله حبيتك ياهنا وبقيتى كل دنيتى
هنايعنى انت مكنتش عايش معايا عشان البيبي بس
محمودهنا انتى لازم تعرفى حاجه انا لو مش عاوز اعيش معاكى ولا طفل ولاعشره يجبرونى انى اكمل معاكى
انا صحيح كان نفسي فى الطفل ده ويمكن اكتر منك كمان عشان ده حته منى ومنك وكان حيربطنا ببعض اكتر لكن ارادة ربنا فوق كل شئ
وبعدين بقولك ايه اعملى حسابك تقومى بالسلامه بسرعه عشان انا عاوز المرة الجاية اتنين سامعه
هنابس انت كنت بتقولي ان حياة كانت احسن منى
محمودهنا متقلبيش فى الدفاتر القديمه انتى دلوقتى اللى معايا انتى مراتى فاهمه انا ظلمت حياة مبنكرش وجيت عليها وهنتها واتخليت عنها فى اكتر وقت كانت محتاجانى فيه
لكن ربنا يعلم انك انتى اللى فى قلبي
ولاحظى انى كنت بقولك الكلام ده زمان لكن عمرى بعد كده ماجرحتك بكلمه ولا جبت سيرتها
هنايعنى انت نسيتها يامحمود
محمودلا مانسيتهاش ياهنا وحبقى كداب لو قلتلك انى نسيتها لكن انا مبفتكرهاش بالشكل اللى فى دماغك ابدا والله انا بفتكرها بالخير بفتكر بدعوة يمكن تكون من نصيبها بفتكرها بانى ادعيلها ان ربنا يكون وفقها مع واحد ابن حلال يحبها زى مانا بحبك ياهنا بامجنونه
هناانا مجنونه
محمودوستين مجنونه كمان لما يبجى فى بالك انى ممكن اقدر استغنى عنك انتى خلاص ياهنا بقيتى كل حياتى
وحقك علية على كل اللى سببتهولك من اذى نفسي او معنوى ياهنا
هناوانا كمان اسفه يامحمود على تسلطى وتحكماتى وانى كنت برفض اى امر منك
انا بحبك يامحمود
محمودوانا بحبك ياهنا وربنا يقدرنى ةاقدر اعوضك عن كل اللى فات
فى شقة شهد وفريد
فريدحياة عامله ايه يا حبيبتى
شهد الحمد لله ياحبيبي بقت احسن
فريديعنى السخونيه نزلت
شهدايوة يافريد نزلت
فريد طب الحمد لله ده انا طول الليل قلقان عليها
شهد ربنا يخليك لينا يا رب
انت وحشني اوى يا فريد
فريدانتوا اللي وحشتونى اكتر والله
وحياة وحشتنى اوى
شهدطب انت خلصت الشغل عندك واللا لسه فى مشكله
فريدلاياحبيبتى تمام والله
وان شاء الله يومين وراجع
شهدتيجي بالسلامة ان شاء الله
يغلق معها الهاتف ليجد احد يطرق الباب
يفتح الباب سريعا وهو بملابس النوم
رانياوهى
تنظر له صباح الخير يا فريد
فريد وهو يغلق قميصهصباح النور يارانيا خير فى حاجه
رانيالا ابدا بس كنت بقول لو تنزل تفطر معايا تحت
فريد مانتى عارفه انى بفطر مع الناس فى الشركه
نادينايوة عارفه بس انا نفسي نتكلم مع بعض شويه
فريدنتكلم مع بعض في ايه يارانيا
رانيافريد من فضلك عشان خاطرى
فريدطب اتفضلى انزلى تحت وانا ححصلك مينفعش نفضل واقفين كده
رانياحاضر
يغلق الباب خلفها وبحدث نفسه اصلي انا كنت ناقصك انتى كمان انا مش عارف عاوزة منى ايه دى كمان
يرتدى ملابسه وينزل ليجدها جالسه فى انتظاره
فريدنعم يارانيا
رانيافريد هو انت بتعاملنى كده ليه
فريدبعاملك ازاى يعنى يارانيا مانا بعاملك عادى
رانياوانا مش عاوزاك تعاملنى عادى يافريد انا عاوزة اكون مميزة عندك
فريدتكونى مميزة عندى بامارة ايه ان شاء الله
رانيابامارة انى بحبك
فريدرانيا مينفعش الكلام اللي بتقوليه ده
رانيا ليه ماينفعش يافريد ايه المانع فين المشكله
فريدالمشكله فين انتى بتستعبطى انتى مش عارفه انى متجوز وعندى بنت
رانياوانا معنديش مشكله
فريد وهو يضرب كفا على كفلا حول ولا قوة الا بالله
اذا كان انتى معندكيش مشكله فانا بقى عندى مشكله انا مش متجوز وبس لاء ده انا بحب مراتى ومش بحبها لاء ده انا بعشقها بمۏت فيها وهى وحياة كل دنيتى
رانيا هو انا مش عجباك
فريدرانيا هو انتى مبتفهميش بقولك بحب مراتى يابنتى
رانياخلاص حبها براحتك وسيبنى انا احبك
فريدوتحبينى ليه ماتروحى تدوريلك على واحد تحبيه غيري
رانيافى ايه يافريد ماتنقى الفاظك وتعرف انت بتقول ايه
فريدانا اقول اللى عاوزه
رانيا انتى اللى زيك بيتقال عليها خطافة رجاله
رانياكده يافريد تقول علية انا كده
فريد عشان هى دى الحقيقه يارانيا
انتى ليه عاوزانى اضحك عليكى رانيا انا ممكن اوافقك على اللى انتى عاوزاه واتجوزك ولو قلتلك عرفى حتوافقى واقول ياللا وماله واعيش معاكى يومين وخلاص وبعد كده ارجع لحضن مراتى وارميكى ورا ضهرى بس مش انا اللى اعمل كده فى بنات الناس يارانيا انا عندى ضمير ميسمحليش انى اخون ثقة مراتى فية ولا كمان ينفع انى استغل مشاعرك ناحيتى وبعد كده اقولك معرفكيش
فوقى يارانيا فوقى لنفسك انتى ليه بتعملى فى نفسك كده ليه بترخصي نفسك انتى كويسه وبنت ناس
رانيافريد انا موافقه يافريد انا راضيه باى وضع معاك انا مش عاوزة منك حاجه مش عاوزة غير وجودك معايا
فريدرانيا واضح ان كلامى معاكى ممنوش فايده
عن اذنك ويتركها ويصعد لغرفته
بينما كانت رانيا تسب وټلعنبقى كده يافريد ترفضنى انا عشان خاطر الست شهد عاوزةتعمل نفسك محترم علية اشمعنى انا خطيبي يسيبنى ويروح لواحده تانيه شهد مش احسن منى
ام علا وهى تحاول ايقاظ حياة من نومها
حياة ياحبيبتى قومى يابطه
حياة وهى تتثاءب صباح الخير يا علا
علاصباح الفل والياسمين على عيونك يا قلب علا
ايه ياجميل ايه النوم ده كله
حياة هى الساعه كام دلوقتى
علاالساعه بقت واحده ياحبيبتى
حياة واحده معقول ومصحيتينش من بدرى ليه
علامانا شايفه نور اوضتك منور طول الليل بتذاكرى فقلت حرام خليكى تنامى براحتك
حياة بس انا مكنتش بذاكر ياعلا
علااوعى تكونى تعبانه واللا يكون فيكى حاجه ياحياة
حياة ههههههه تعبانه ايه بس مانا زى القرده اهوه
بس بصراحه كده بقى
انا كنت بكلم اسر
تجلس علا بجوارها على السرير
بتكلمى اسر لا بقولك ايه انتى لازم تحكيلي كل حاجه بالتفصيل
حياة حاضر ححكيلك ياعلا
تجلس علا امامها وتستمع لما تحكيه لها حياة
بينما كان اسر فى المكتب يباشر عمله
وكلما تذكر المكالمه التى دارت بينه وبين حياة يشعر بالسعاده
تملاء قلبه
ويقول لنفسهشكلي حتعب معاكى اوى ياحياة بس ولايهمك تعبك راحه
علاماشي هنياله ياعم
ربنا يسعدك ويفرح يارب
بس قومى يافالحه عشان سعيد عاوزك برة فى موضوع
حياة حاضر انا قايمه اهو
تخرج حياة لتجد سعيد يجلس منتظرا قدومها
سعيدتعالى ياحياة عاوز اتكلم معاكى فى موضوع
حياة حاضر يااخويا
تجلس حياة بجواره لتستمع الى مايريد التحدث فيه
عند فارس وملك
فارس بقولك ايه متجنيش امى انا مش مغسل وضامن جنه
ملك يعنى ايه بقى يعنى ممكن ترتيبى
يبوظ
يتخوفى ليسيب
نور ويبص لاى واحده تانيه فى الحفله
بقولك ايه انا مش عاوزة اى واحده فى الحفله غير نور
فارس خلاص اعمليلهم حفله خاصه
ايه رايك
ملك يانهار اسود انت عاوزهم يقتلونى
فارس يبقى سيبيها على الله واللى ليه نصيب فى حاجه بيشوفها
ملك اللهم قوى ايمانك ياشيخ فاررس
فارس هذا من فضل ربي
حياة لاء يابو علا الله يخليك مش حينفع الكلام اللى بتقول عليه ده
ابو علايعنى ايه مش حينفع وليه اصلا مينفعش
هو انتى مش عارفه غلاوتك عندى واللا ايه
حياة ايوة طبعا عارفه وعمرى مااشك فى حاجه زى دى ابدا بس الاقتراح ده مرفوض بالنسبه لى
علايعنى ايه مرفوض انتى بتتحججى بية والولاد طب اذا كنت انا والولاد معندناش اى مشكله يبقى ترفضي ليه ياحياة
حياة الله يخليكى ياعلا متضغطوش علية اكتر من كده ولو انتوا اتضايقتوا منى خلاص انا ارجع الشقه اللى كنت عايشه فيها لكن استحاله اجى عليكم اكتر من كده
ابوعلا انتى اتجننتى بتقولى ايه مين اللى يسيب البيت ويمشي انتى ازاى يخطر ببالك انك تفكرى فى حاجه زى دى
علا وهى تبكىبقى كده ياحياة هننا عليكى خلاص وقدرتى تطلعى من بؤك كلمه زى دى هانت عليكى العشرة ازاى قلبك طاوعك تقولى انك عاوزة تسيبينا
حياة والله العظيم ما اقصد وغلاوتكم عندى مااقصد
ثم تقبل راس سعيد
حقك علية بااخويا والله مااقصد
ثم تحتضن علاوغلاوتك عندى ياعلا مااقدر استغنى عنكم ابدا
سعيد خلاص ياحياة يبقى تقولى حاضر
حياة طب ممكن نتكلم بالراحه
سعيداتفضلي
حياة المحل اللى انت فتحته انت واخده ايجار مش تمليك يعنى حتدفع كل شهر ايجار وكمان ميه ونور وحق البضاعه ده غير اجرة الولد اللى حيقف معاك فى المحل وهنا المصاريف كتير اوى اكل وشرب ومدرسه ودروس وحضانه ومحمد اللى كل يومين عند الدكتور كل ده ياابوعلا وتحمل نفسك مصاريف كليتى انا كمان ده المرتب اللى باخده من المكتب يادوب بيغطى مصاريف الكليه وبجيبلى طقمين البسهم فى وسط زمايلي فى الكليه وعشان ابقى واجهه كويسه للمكتب
وانت يااخويا الى شايلنى اكل وشرب ولو دخلت عليكم بكيس لب بتبهدلونى وعلا تدينى قصيدة محترمه
لا ياابو علا ده حرام وظلم
وانا مش حقبل بكده ابدا
سعيد ياحياة انا عايزك تركزى فى مذاكرتك ده انتى بتقومى من الفجر تذاكرى وتجرى عالمكتب وبعدين تروحى محاضراتك وترجعى مش قادرة تقفي على رجلك ده انتى بتاكلى لقمتك وانتى نايمه ياحياة
يتفع كده انتى عاوزة تقعى من طولك واللا ايه
انا الاول كنت سايبك تشتغلى وربنا العالم ان ده كان على عينى بس كنت حعمل ايه احنا يادوب كنا عايشين لكن
دلوقتى الحمد والشكر لله بقينا كويسين وعيشتنا ارتاحت يبقى ليه اسيبك تتبهدلى
حياة افهمنى ياابو علا افهمينى ياعلا الله بخليكى
انا بشتغل شغلانه محترمه والاستاذ اسر عمره ماقصر معايا
ولما بيكون في امتحانات باخد اجازة وكل مااقوله مش رايحه مبيقولش حاجه
علاطب بقولك ايه يااخويا قوم انت البس ياللا عشان معاد الدكتور
وسيبني معاها شويه
يقوم ابو علا ليلبس للذهاب الى الدكتور للمتابعه
بينما تتجه علا بنظرها الى حياة
حياة
حياة ايوة ياعلا
علاعينك فى عينى كده
حياة فى ايه ياعلا مالك
علامالى انا بردو اللى مالى بتحبيه اوى كده ياحياة مش عاوزة تسيبى المكتب عشان متبعديش عنه
حياة مش عارفه ياعلا بس بجد مبقتش اقدر يعدى علية يوم من غير مااشوفه
انتى عارفه ياعلا لما بيكون فى ظروف ومروحش المكتب ببقى متضايقه
ولو هو يوم ماجاش المكتب ببقى مش طايقه اقعد
في المكتب
علا انا حموت من الفرحه بعد مكالمة امبارح
ثحيح حاولت اتهرب منه بس مش قادرة امنع نفسي من ان احبه
حاولت مضعفش قصاد كلامه وابينله ان مستقبلي اهم حاجه عندى
بس الحقيقه انى كان نفسي اقوله خليك جمبي متسيبنيش
ه
علاياحبيبتى ياحياة
حياة علا عشان خاطرى اقنعى ابو علا ينسى موضوع الشغل انا مش عاوزاه يزعل منى
علامانتى عارفه انتى بالنسبه له زى علا وشهد وبيخاف عليكى اوى ونفسه يريحك من پهدلة الشغل ياعلا
حياة ياعلا الله يخليكى هو بيسمع كلامك
علاحاضر ياستى
ابو علاياللا ياحياة اناجاهز
فجاة حياة وهى تقف اه اه
الحقينى ياعلا
فى المستشفى
حياة وهى تمسك فى كتف علااه ياعلا مش قادرة الالم فظيع مش قادره ياعلا
علاياحبيبتى ياريتنى كنت بدالك ياحياة الف سلامه عليكى
حياة بعد الشړ عنك ياعلا ربنا يخليكى لولادك بس انا مش قادرة الۏجع
صعب اوى كانت تبكى من شدة الالم
بينما كان الدكتور متوجه الى حجرة الكشف
ابوعلاوالنبي طمنا عليها يادكتور
الدكتور نامى ياحبيبتى
حاسه بايه
حياة تعبانه اوى يادكتور الم فظيع اوى
يضع الدكتور يديه على موضع الالم
حباةتصرخ حياة من شدة الالم
اه اه مش قادرة
الدكتوراحنا حنعمل اشعه حالا
تساعدها الممرضه وعلافى التوجه التوجه الى حجرة الاشعه
بعد عمل الاشعه ينظر الدكتور للاشعه
لازم تدخل العمليات حالا
ابو علاليه يادكتور خير فى ايه
الدكتور متقلقش ان شاء الله خير بس الزايده لازم تتشال حالا والا ممكن لاقدر الله ټنفجر
علا يالهوى ټنفجر ازاى لايادكتور اعملها حالا
الدكتورتمام انا حطلب يجهزوا غرفة العمليات على ماتدفعوا فى الحسابات معلش والله انا اسف بس هى دى الاجراءات هنا
ابو علامفيش مشكله انا حروح الحسابات اشوف المطلوب وحضرتك جهز العمليات
يتجه ابو علا الى الحسابات فيجد المبلغ المطلوب اكثر مما معه فيضطر للذهاب للمنزل لاحضار بقية التكاليف
سعيدعلا انا حروح الشقه بسرعه اجيب بقية الفلوس واطمن على الولاد واوصي علا على اخواتهاوانتى خدى بالك من حياة
علاطيب يااخويا بس خللى بالك من نفسك
يتجه سعيد للمنزل بينما تجلس علا بجوار حياة التى هدات قليلا بفعل المسكنات
علاحتبقى زى الفل ياحبيبتى
حياة علا هو انا ممكن اموت
تحتصنها علا بشده بعد الشړ عنك يا حبيبتى ربنا ميوريني فيكى يوم يوجع قلبي عليكى دى حاجه بسيطه وبعدين هو انا حعرف اكتر منك بردو يادكتورة يعنى انتى مش عارفه الزايدة
حياة هو تتالم انا كان بقالى كام يوم بحس بۏجع شويه بس محططش فى دماغى لكن الۏجع المرة دى مش قادرة اتحمله
علاوليه ماقلتيش ياحياة كده بردو تبقى تعبانه ومتقوليش
حياة اه والله ماكنت فاكرة الموضوع كده
اه مش قادرة تعبانه ياعلا اه فينك ياماما انا عاوزة ماما ياعلا نفسي اشوفها بقى وحشتنى اوى ياعلا
عاوزة اشوفها قبل ماادخل العمليات ياترى انتى فين ياحبيبتى
يارب بحق الشده اللى انا فيها رجعلى امى وجمعنى بيها تانى
علا وهى تبكى ټحتضنهاربنا يجمعكم على خير ياحبيبتى وتقوميلنا بالف سلامة يا رب يا حبيبتي
تدخل الممرضه ياللا حبيبتى عشان تلبسي الروب وتستعدى للعملية
حياة حاضر
ياتى ابو علا سريعا. قد احضر الاموال اللازمه لعمل العمليه ويقوم بدفع بقية التكاليف فى الحسابات لفتح غرفة العمليات
