بتحبيني يا رحمه
المحتويات
شكلك تعبانه
اه والله ھموت من التعب
_ اوك تصبحي علي خير
وانت من اهل الخير يا رب
نامت رحمه بعد تفكير طويل في سيف وبعد سعادتها الكبيره بشعوره بزعلها واحساسه بيه واتصاله بيها علشان يصالحها واعترافه للمره التانيه بحبه ليها
صحيت رحمه من النوم مبسوطه جدا وفرحانه
صباح الخير يا ماما
مبسوطه عادي ايه متبسطش !
_ ربنا يحلي ايامك كلها يا حبيبتي
ويا تري ايه اللي كان مزعلك امبارح
هرجع من الكليه يا ماما وهحكيلك كل حاجه
_ اوك يا حبيبتي يلا علشان متتأخريش علي محاضراتك
هغير وانزل علي طول اهو
غيرت رحمه هدومها ونزلت بسرعه علشان المحاضره
بعد ما المحاضره خلصت
هند يلا الكافيه اللي قدام الكليه احمد هناك
رحمه هو احمد ده مبيزهقش منك !!
_ حد يزهق من القمر برضووو
يادي الغرور
_ يلا بقي
يلا
رن سيف علي رحمه
بصت هند بابتسامه وغمزت لرحمه
رحمه ابتسمت وبعدت عن هند
_ ايوه انتي فين
انا خارجه مع هند احمد مستنيها في الكافيه اللي قدام الكليه
_ اوك انا جاي وراكم اهو
تمام سلام
هند فون كده مره واحده وانا معرفش !!!
والله يا بنتي بعد ما مشينا باليل وملحقتش احكيلك اصلا ثم ان مين اداله رقمي غيرك اساسا
بتوزعي رقمي حااااضر انا هربيكي
_ ما تتنيلي هو حد هيعبرك اصلا
ده انا قمر
_ طيب شدي شويه يا قمر علشان الشمس حمصتنا
وصلوا الكافيه مسافة ما سلموا علي احمد وقعدوا كان سيف دخل الكافيه وراهم
سلم عليهم وقعد
سيف عامل ايه يابو حميد
احمد الحمد لله بخير انت اخبارك ايه !!
احمد
قول يا عم
سيف ايه رأيكم نخرج مع بعض النهارده
احمد لا النهارده مش هينفع خالص
رحمه مش هينفع ليه بس يا احمد.
احمد معايا اكتر من مشوار اخرجوا انتوا عادي
رحمه من غيركم مش هينفع طبعا !!
سيف خلاص نخليها بكره ولا ايه !
احمد اوك بكره مفيش مشكله
رحمه خلاص مفيش مشاكل بكره . بكره
احمد انا هستأذن بقي
هند خدني معاك يا احمد
رحمه وانا كمان همشي
سيف مسك ايد رحمه
استني يا رحمه انا عايزك ثواني
احمد خلاص ابقي وصلها بقي
سيف اكيد طبعا
مشيوا احمد وهند وقعدت رحمه
رحمه في ايه يا سيف
_ انتي بتحبيني فعلا يا رحمه
اه والله بحبك مش هكذب عليك اكيد
_ انا مش قصدي بس ...
بس ايه يا سيف !
_ انا عارف انك من عيله وانك وحيدة امك وان ظروفكم كويسه الي حد ما ربنا يبارك يعني
وانا ظروفي الماديه صعبه شويه لاني بصرف علي امي واخواتي فا خاېف مامتك ترفضني بسبب الموضوع ده
سيف انا بحبك انت من غير ما اعرف ظروفك شخص محترم ومجتهد كنت بشوف عربيتك وقد ايه هي بسيطه وقد ايه انت سعيد بيها وحاسس انها اخر موديل حبيتك علشان ابتسامتك وسمعتك الطيبه مش علشان ظروفك قبلك طلب الارتباط مني شباب راكبين عربيات موديل السنه وباين عليهم الراحه الماديه وانا رفضت انا لو ببص للماديات كنت وافقت ارتبط بيهم ان حابه شريك حياتي يكون راجل معتمد علي نفسه
ماما برضو بتحب الشخص المجتهد اللي بيتعب في حياته وبتحب القناعه .
مش اللي اهله بيصرفوا عليه
خليها لما يجي وقتها متتعبش نفسك بالتفكير
_ يا رحمه انا خاېف بس اتعلق بيكي اكتر وميحصلش نصيب في الاخر
علشان ظروفك !
_ اه
وماما ترفض علشان ظروفك !!
_ اه
هي اللي هتكمل حياتها معاك ولا انا !
_ انتي طبعا
وانا موافقه اعيش معاك حتي لو في اوضه من غير نور
انت النور وانت الحياه كلها الفلوس دي عباره عن ورق احنا اللي بنجيبها واحنا اللي بنوديها تاني
انا بحبك انت هتجوزك انت مش فلوسك !!
_ انا بس خاېف اترفض
مش هتترفض علشان انت فتي احلام اي بنت يا سيف وسمعتك ومكانتك واجتهادك يغطي علي ظروفك اللي انت بتقول عليها صعبه دي
_ رحمه ...
نعم
_ انا بحبك علي فكره
وانا بمۏت فيك علي فكره ومش عايزاك تفكر في الموضوع ده تاني
_ الموضوع شاغل تفكيري مش اكتر وحبيت احكيلك
وانا قولتلك ان دي مش مشكله اصلا يكفي انك شخص كويس
_ وانا يكفيني انك انتي معايا ويكفيني الكلام ده منك .
يلا بقي نروح علشان ليفل الرومانسيه هيعلي
_ ههههه يلا بينا
مشيوا رحمه وسيف وصل سيف رحمه اول الشارع ونزلت وهو مشي
كان يوم جميل بالنسبه لسيف انه اعترف علي الحاجات اللي كانت مخوفاه من العلاقه كان يوم جميل لرحمه لانها عرفت ان سيف بيحكيلها ومش حابب يخبي عليها حاجه
رن سيف علي رحمه
ها يا حبيبتي وصلتي
اه وصلت انت وصلت ولا لسه
_ لا لسه في الطريق
فجأه رحمه سمعت صوت .....
يتبع
فجأه رحمه سمعت صوت فرامل وخبطه قويه بعدها المكالمه اتقطعت
سيف ... ألووو .. يا سيف !!
نزلت رحمه تجري وهي مش عارف نفسها راحت فين لقيت نفسها بترن علي هند
الو ايوه يا هند الحقيني
_ في ايه يا رحمه مالك اهدي في ايه
س. .. س .. سيف ..
_ ماله سيف اهدي يا حبيبتي في ايه صلي علي النبي كده حصل ايه
سيف كان بيكلمني وفجأه سمعت صوت فرامل والاتصال اتقطع الحقيني يا هند
_ اهدي طيب هرن علي احمد دلوقتي وهنجيلك علي طول
رحمه وقفت تاكسي وهي مش عارفه رايحه فين وكمان الفون بتاعها فصل شحن وهند مش هتعرف توصلها
سواق التاكس رايحه فين يا آنسه
رحمه وهي بتدور في وشوش الناس علي سيف مش عارفه .. مش عارفه !!
سواق التاكس مش عارفه ازاي حضرتك تايهه !!
بص اقرب مستشفي من هنا وديني اقرب مستشفي
_ حاضر ربنا يطمنك
يا رب يا رب .... يا رب
وصلت رحمه المستشفي دخلت تجري علي الاستقبال وتبص في المړضي بس سيف مش فيهم
فجأه دخلت
حاله كان باين شويه انه سيف بس الډم مغرق وشه
سيف ... سيف !!!
بدأت بالعياط
بعدتها الممرضه ودخلوا بيه علي غرفة الطوارئ
حطت الفون بتاعها علي الباور بنك لقيت هند بتتصل بيها
ايوه يا هند انا في المستشفي وسيف هنا الحقيني يا هند
_ اهدي بس واحنا جاينلك علي طول اهو
اسم المستشفي ايه طيب !
معرفش يا هند هي قريبه من الكليه بتاعتنا
_ اوك خلاص عرفتها انا جنبك علي طول اهو
دقايق بسيطه وهند واحمد وصلوا هند جريت علي رحمه حضنتها
بسيطه ان شاء الله مټخافيش والله بسيطه
بعياط سيف متعور اوي يا هند ... لو جراله حاجه انا مش هسامح نفسي انا السبب انا اللي كنت بكلمه انا اللي خليته مياخدش باله من الطريق
_ يا حبيبتي والله مفيش حاجه وان شاء الله بسيطه
احمد ادعيله بدل ما بټعيطي هو مفيهوش حاجه ان شاء الله
يا رب يا رب
طلع الدكتور من الاوضه جريوا عليه
ايه يا دكتور سيف اخباره ايه
شوية دكمات بسيطه هنعمله اشعه نتأكد لو في كسور ولا حاجه هو كويس الحمد لله متقلقوش
كنا بس عايزين حد يدفع المطلوب في الحسابات
راح معاه احمد علشان يدفع الحساب
اخدوا نفسهم الحمد لله
هند خلاص بقي يا رحمه اهو الدكتور قال مفيهوش حاجه
الحمد لله
عملوله الاشعه
متابعة القراءة
