رواية ليس ذنبي كامله بقلم هاجر نور الدين

لسة بتحبها ياسليم?
بصله سليم بهدوء وبعدين إتنهد وقال
بحبها لسة ياخالد دي حب حياتي من ساعة ماوعيت علي الدنيا فكرك هنساها في السنتين اللي عدوا والله حتي لو سنين الدنيا كلها هيفضل حبها في قلبي
طب وبعدين هتعمل اي
سليم بإصرار وعيونه بتطلع شرار
هجيب الحيوان اللي كان متجوزها حتي لو من تحت الارض وهعرفه كويس اللي عمله دا
إفهم منه الأول بس ياصاحبي ليه عمل كدا قبل ماتتهور وتعمل فيه آي حاجة
إن شاء الله
عند إيمان
الباب بتاع شقة مرات عمها خبط وسمعت صوته إتفتح قالت يمكن يكون سليم بس قامت لما إتلاقت الباب إتفتح فجأة ودخل منه مروة مروة تبقي بنت خالة سليم وبتحبه بس هو مش بيبادلها نفس الشعور ولكن اي اللي جابها دلوقتي!
كانت بتبصلي وعينيها مليانة كل شړ وباين جدا إنها متعصبة وبتتنفس بسرعة
إنتي هتبوظي كل حاجة بعملها كنت خلاص هتجوزه إنتي اي اللي وقعك في طريقه تاني
أنا مش فاهمة انتي بتتكلمي عن اي
كنت خلاص فاضلي حاجة بسيطة واتخطب انا وسليم ونتجوز انتي إي ياشيخه وبرضوا مش عارفة أخلص منك أنا هوريكي
وراحت عندها ونزلت فيها ضړب وإيمان كانت بتقاوم بس مش عارفة تصدها ومرات عمها واقفة بتتفرج ومستمتعة باللي بيحصل
أحسن هي تستاهل كملي ياحبيبتي قال عايزة تلف علي إبني المطلقة وتتجوزه
في اللحظة دي دخل سليم البيت وشاف اللي حصل وجري عليهم وهو بيقول
إي اللي بيحصل هنا دا
يتبع 
الحلقة الثانية
إي اللي بيحصل هنا دا
قامت مروة من علي إيمان وهي بتنهج وراحت ناحية سليم وهي بتتصنع البراءة وبتقول
شوفت اللي حصل ياسليم أول مادخلت البيت لسة بقولها عاملة اي ياإيمان وإتطلقتي ليه وكإن السؤال جننها ومسكت فيا
كدابة والله كدابة ياسليم أنا كنت قاعدة في الأوضة وهي اللي دخلت عليا وفضلت ټضرب فيا من غير آي حاجة
حقك عليا أنا ياإيمان معلش خمس دقايق وهجيلك
راح مسك مروة من ايديها جامد وشدها وراه ومامته بصت ل إيمان من فوق لتحت بقرف وشماتة وخرجت وراهم
هو اي اللي حقك عليا ياإيمان مروة بنت خالتك هي اللي معاها حق مكذبتش دي هي اللي غلطت فيها وبدأت الخناقة
إسكتي ياأمي دلوقتي عشان أنا مش هصدق حد فيكوا إنتوا الأتنين خالص دلوقتي
بعدين بص لمروة وكمل
عايز أعرف اي اللي إنتي هببتيه دا
مروة وهي باصة في الأرض وبتتصنع العياط
معملتش حاجة ياسليم هي اللي بدأت وأنا أكيد مش هسيبها تضربني يعني
زعق سليم بعصبية
أنا عارف إيمان أكتر من اي حد وهي متعملش كدا أيا كان السبب اللي خلاكي تعملي كدا والله يامروة لو قربتي من إيمان تاني أو أذيتيها حتي بنظرة والله هنسي إنك بنت خالتي وهتصرف معاكي تصرف مش هيعجبك
بصيتله مروة بعصبية وسابته ومشيت وأمه بصتله بعتاب وقالت
ليه كدا ياسليم البت بتحبك بتعاملها كدا ليه عشان اللي جوا دي
أخر مرة ياأمي أسمعك بتقولي عليها كلمة وحشة دي هتبقي مراتي عن إذنك
سابها وراح لإيمان خبط علي الباب لحد ما جاله صوتها ودخل
إيمان أنا أسف أوي بجد حقك عليا
إيمان بدموع
أنا مش فاهمة هما ليه بيعملوا معايا كدا أنا عملتلهم إي ولا ذنبي اي
حقك علي قلبي والله بطلي عياط أوعدك محدش هيقرب منك تاني
بصيتله بإمتنان وشكر وبعدين قولتله
شكرا جدا بجد مش عارفة
من غيرك كنت عملت اي
متشكرنيش إنتي دلوقتي في مقام خطيبتي وكلها شهر وشوية وهتجوزك وتبقي مراتي
غمزلها وهو بيبتسم عشان يخليها تبطل عياط فإبتسامتله وهي مش عارفة تقوله اي ف كمل هو
أنا هخرج دلوقتي أنام برا وهسيبك ترتاحي شوية اليوم كان متعب