غدر زوج
المحتويات
وبس
ناهد
هو انا قدامهم هقول اااه مش عايزه فلوس عشان عيون الدكتور مروان ابن عمي بس انت اللي هتدفعلي حسابي يا دكتور
مروان
شوفتي القرايب دول بيبقو عقارب اوقاات موافق بس قولي قدامهم انك مش هتاخدي فلوس الاتتين دول عايشين لوحدهم ولسه داخلين علي سبوع وليله كبيره
وفعلا مشيت ناهد من غير ما تاخد منهم فلوس وعدت الايام وجه يوم السبوع وكان علي الدايق اووي وراح مروان هناك وقعد جنب ملك اللي شايله ابنها وقال
ااا انا عزمت الدكتوره ناهد اللي ولدتك وعلي جوزها قولت شكلكم مقطوعين من شجره فاجيبهم وخلاص
ملك
ما بنقولش كده علي فكره با دكتور بس علي العموم شكرا علي وقفتك معانا ولاهتمامك يا دكتور مروان
مروان
لا شكر علي واجب انا كده اصلا بحب اساعد الناس ودبش وكلامي مش موزون بس والله غلبان ودكتور شاطر والمړضي بتوعي بيحبوني
عارف انت فكرتني دلوقتي بأشرف عبدالباقي في مسلسل حب البنات كان فيه منك كده
ضحك مروان وفي الوقت ده دخل عزت ولما شافها قاعده جنب مروان وبتضحك اتعصب برغم ان بينها وبين مروان مسافه كبيره
عزت
عال اووي يا ست هانم ايه المنظر اللي انا شايفه ده
ملك
منظر ايه بس وانت داخل تتكلم كده ليه وبعدين انا ودكتور مروان قاعدين عادي
معلش بس افهم الاول هو مين الاستاذ ده اخوكي
عزت
لا يا خفيف انا جوزها وابو ابنها وابن عمها ايه رئيك بقي
ملك
لا يا عزت انت مش جوزي انت طليقي ولو علي القرابه اللي بينا انا نسيتها خلاص وما بقاش ليك اي وجود في حياتي غير انك ابو ابني وانا مش هحرمك تشوفه بس عن طريق المحكمه ولو علي النفقه انا مش عايزه منك حاجه المهم ما اشوفش وشك
احممم انا اسف بس بصراحه الجبهه بتاعتك طلعت من الباب ده وهي بتزغرت
جات منال وقالت بقلق
في ايه يا عزت صوتك عالي هنا ليه لا بقولك ايه انت صوتك ما يعلاش هنا في بيتي انت فاهم ولا لا
عزت
يعني عجباكي تصرفات بنتك دي ية مرات عمي ومين ده
منال
واحد قريبنا وبيساعدنا وبيقف جنبينا واحنا معتبرينه واحد مننا بقولك ايه يا عزت انا بنتي مش بتعمل حاحه غلط وحتي لو بتعمل مش هتيجي انت وتعدل عليها روح بص لنفسك وافتكر انت عملت فيها ايه واطلع بره ولو هتيجي بعد كده تبقي تدينا خبر الاول قبل ما تيجي
ماااشي يا مرات عمي بعد اذنكم وابقي خلي بالك من امير يا ملك
قال كلامه ومشي وفي الوقت ده دخلت ناهد ومعاها علي ومروان فضل يهزر معاهم ولاول مره تنسي حزنها من عزت وكانت مبسوطه بوجود مروان وناهد زجوزها ومامتها جنبيها وبعد كام شهر كان عندهم مروان وقال
مروان
ها يا ملك قولتي ايه انتي ما تعرفش انا تعبت ازاي عشان اجيبلك الوظيفه دي في المدرسه
والله يا ابني احنا مش عارفين نودي جمايلك دي فين وهي اكيد هتوافق هي اصلا كان نفسها تشتغل في مدرسه خااصه زي كده من زماان
ملك
انا فعلا يا مروان كنت بدور علي شغل بجد شكرا اووي
مروان
لا شكر ولا حاجه احنا في الخدمه ديما هروح انا بقي العياااده واي حاجه تحتاجوها مش مؤتر اقولكم مكان شقتي انتو اكيد عارفينه
ضحكت ملك وقالت
يا عم هو انت مدينا فرصه نحتاج حاجه ده كأن عمر اخويا عايش والله بوقفتك جنبينا دي
مروان
اقولكم حاجه وما تضحكوش عليا انا كمان حاسس اني مش وحيد يعني انا اتولدت لابويا وامي متاخر كانو
عواجيز وراحو بدري وانا عيشت مع عمي
متابعة القراءة
