ما قدر اللَّه يكون
المحتويات
أنا أوحش بنت في العيلة أنا أقبح مخلوقة ربنا خلقها ودا بشهادة أمي والجيران من يوم ما اتولدت ومن ساعة ما وعيت على الدنيا وأنا بسمع الكلام دا من صحاب ماما ومن قرايبي
هي بنتك سمرا كدا ليه
ملامحها مش زيك خالص يا منى هي طالعة لمين
بنتك وحشة أوي هو ربنا مارزقكيش ببنت تانية
انا البنت الوحيدة لأب وأم انتظروا الخلفة 5 سنين بيجروا على دكاترة لحد لما ربنا رزقهم بيا كنت بشوف ناس بيخلفوا بعد معاناة وبيكون أول مولود هو فرحتهم بجد إلا أنا أنا مكنتش فرحة لأمي وأبويا خالص انا بشرتي سمرا طالعة لجدي بابا بشرته قمحاوية أمي بيضة جدا انا واخدة ملامح حد تالت دايما ينسبوها لجدي أبو أبويا أوخليط من ملامح عمتي وجدي
مرت الأيام وشرفت أختي مريم البيت ملامحها جميلة زي ماما بالظبط كانت دي يعتبر أول فرحتهم وأنا مش محسوبه كل الاهتمام راح لها كل الحب كل الفرحة
مكنتش فاهمة ان دا اعتراض على قضاء ربنا كنت طفلة محتاجة حد أحكيله وأشكيله ملقتش غير ربنا
مرت الأيام وروحت الجامعة اتفاجأت بصحبة صالحة كانت عونا لي على طاعة ربنا رويدا بقيت راضية بقضاء ربنا عليا لكن مش ناسية ان أنا وحشة في يوم صاحبتي قالتلي أنتي جميلة ولكن محتاجة اهتمام بنفسك بس وهتبقي زي القمر ابتسمتلها لأن أول اسمع ان انا جميلة حتى لو كانت الكلمة مجاملة بس يكفي ان انا سمعتها
ليه كل دا
عادي يا ماما انا عاوزة اهتم بنفسي شوية
ههههه وفري كل دا دي خلقة مش هتعرفي تغيري فيها حاجة ولو بتعملي كدا عشان العريس فأنا عاملة حسابي انك هتعنسي جنبي
أخيرا القمر فاق
ابتسمت وقومت قعدت واتكلمت معايا كتير عشان آكل
واهتم بصحتي سابتني ومشيت
جات طنط منار تسلم على ماما وقالتلها
ابني بيدور على عروسة وانا شايفه ان بنتك الله أكبر أخلاق والتزام وأدب
متابعة القراءة
